Меѓународната финансиска корпорација побара објаснување зошто е одбиена понудата на јужнокорејската компанија „Инчеон Интернешнел Аирпорт“, која учествуваше на тендерот за концесија на аеродромите во Црна Гора, објави „АлЏезира Балканс“.

Владата на Црна Гора го продолжи рокот за евалуација на понудите на компаниите заинтересирани за концесија на црногорските аеродроми. Ова се случи откако Меѓународната финансиска корпорација побара објаснување зошто е одбиена понудата на јужнокорејската компанија „ИИА“. Синдикатите и експертите сметаат дека процесот бил нетранспарентен, додека Владата е решена да го заврши.