„ТЕ САКАМЕ ЛУ“: Ромелу Лукаку слета во Милано! (ВИДЕО)
Според британските медиуми, Ромелу Лукаку за сума од 72 милиони фунти ќе го облече дресот на Интер и така ќе се оствари големата летна желба на тренерот Антонио Конте.
Во доцните часови, поточно во 02.00 часот фудбалерот пристигна на аеродромот во Милано со цел да го финализира договорот, а беше пречекан од бројни медиуми и околу 200 фанови на Интер кои извикуваа „Те сакаме Лу“.
Romelu Lukaku has just arrived in Milano! More than 200 Inter fans here to wait him at 2am. @SkySport ⚫️?? pic.twitter.com/Iapb9c0Ioy
— Fabrizio Romano (@FabrizioRomano) August 8, 2019
Денеска се очекува Јунајтед да го потврди договорот, но е сигурно дека ја прифатиле понудата од 72 милиони фунти плус 12 милиони како бонуси во разговорите со агентот на играчот, Федерико Пасторело во Лондон.
Беше објавена и слика на „Инстаграм“ како Пасторело го најавува доаѓањето во Милано со Лукаку кој ги пропушти тренинзите и сите пријателски мечеви на Јунајтед, односно тренираше со својот поранешен клуб Андерлехт во Брисел пред да бидат договорени сите услови со Интер.
Претходно Белгиецот се поврзуваше и со трансфер во редовите на италијанскиот шампион Јувентус.