40-годишниот прилепчанец Виктор Илиоски, кого семејството го пријави дека исчезнал, попладнево е пронајден починат во кругот на болницата во Прилеп, соопшти МВР.

„На 16 февруари 2026 година во 16:00 часот во СВР Битола било пријавено дека во кругот на Градската општа болница-Прилеп е пронајден В.И. (40) од Прилеп без знаци на живот. Итната медицинска помош констатирала смрт, а за настанот бил известен јавен обвинител, по чија наредба телото е предадено на обдукција“, велат од полицијата.

Виктор исчезнал претходниот ден околу 14 часот, а неговиот татко вчера пријавил во полиција, по што започна голема потрага, а семејството бараше помош преку социјалните мрежи за човекот да се најде.

Исчезнат е прилепчанецот Виктор Илиоски – семејството бара помош