Националниот авиопревозник на Швајцарија и подружница на германска „Луфтханза“, „СВИС“, објави дека укинува околу 1.400 летови ова лето поради недостиг од пилоти, соопшти авиокомпанијата, според медиумите од земјата.

Мерката се однесува на летови на долги релации, како и на мрежата на летови на кратки и средни релации. Вкупно, 1,5 проценти од летовите на компанијата помеѓу април и октомври се укинати.

Според „Аеротелеграф“, невообичаено голем број пилоти, мажи и жени, се надвор од служба подолг временски период, наводно поради бремености и несреќи, односно боледувања. Дополнително, ресурсите се користат за обука на екипажот на новиот авион „Ербас А350“.

Колективниот договор, во кој се подобрени одредбите за работното време, пропишува дека е потребно е да се вработат околу 70 работници со полно работно време, се вели во извештајот.

Како краткорочно олеснување, некои постари пилоти го одложуваат пензионирањето, а персоналот со скратено работно време ги зголемува своите часови, пренесуваат швајцарските медиуми.