ЦАС во декември донесе одлука да им дозволи на руските спортисти да се натпреваруваат на Олимписките игри во Токио, но без истакнување на национални симболи како знаме и химна.
Русите ја прифатија одлуката на Судот во Лозана, но се обидоа да извлечат нешто повеќе  и веднаш упатија барање на Олимписките игри во Токио да настапат без знаме, но спортистите од оваа земја да ги следи позната руска песна „Катјуша“.  ЦАС одлучи ова барање на Русите да го одбие.
„Судскиот панел смета дека терминот „секоја химна поврзана со Русија“ подразбира и песни кои се поврзани во оваа земја што ја вклучува и песната „Катјуша“, стои во дел од образложението на Судот за спортска арбитража.

Русија, односно рускиот олимписки комитет е казнет поради системски допинг поради што на руските спортисти им се одземени 47 медали од зимските и летните Олимписки игри, но и преку 200 медали од бројни светски првенства во различни спортови.