Откако денес на социјалната мрежа Тик-ток се појави видео коешто предизвика  негативни реакции каде студентката по криминологија на Факултет за безбедност Мила Анастасовска, објави како ја пречекорува оградата и ја малтретира мечката во зоолошка вечерва таа објави ново видео во кое се извинува и тврди дека е голем љубител на животни. 

„Јас сум Мила и сакам да се извинам за видеото кое беше погрешно сфатено од страна на народот. Мојата цел во ниту еден момент не беше да ги повредам или вонемирам животните, а горе кај мечките се качив за да направам интересно видео. Во моментот кога се качив горе кај мечките, видов кришка леб и им ја фрлив. Вистина е дека ги прекршив правилата на Зоолошката градина, но не е вистина дека ги вознемирив животните. Ова е еден лош пример како не треба да се однесувате во Зоолошката градина“, вели во видеото студентката.