Светот на забавата сè уште е потресен од смрта на Џејмс Ван Дер Бик, ѕвездата од култната серија „Досон Крик“, кој почина во среда, 11 февруари, на 48-годишна возраст, по тешка борба со рак на дебелото црево.

По неговата смрт беше започната акција за собирање средства, која собра неверојатна сума во рекордно време, откривајќи ја трогателната солидарност на холивудската елита.Акцијата, започната од блиски пријатели на семејството за да помогне во покривањето на огромните медицински трошоци што ги исцрпија финансиите на семејството, надмина 2 милиони долари за само неколку дена.

Меѓу илјадниците донатори, се издвои името на легендарниот режисер Стивен Спилберг. Тој и неговата сопруга Кејт Кепшо донираа 25.000 долари.

Гестот има посебна сентиментална тежина за фановите бидејќи најпознатиот лик на Ван Дер Бик, Досон Лири, беше опседнат со филмовите на Спилберг во серијата „Досон Крик“  и сонуваше да стане режисер како него. Фактот дека вистинскиот Спилберг му помогна на семејството на актерот кој го „играше“ како негов идол, многумина ги расплака.

Покрај Спилберг, голем број други познати личности ги покажаа своите големи срца. Режисерот Џон М. Чу, и неговиот менаџер Гај Осири, донираа по 10.000 долари. Актерката Зои Салдања вети месечна донација од 2.500 долари, додека ѕвездата Дерек Хаф, донира 1.000 долари. Фондацијата „Марла Мејплс“, исто така, придонесе со 5.000 долари. Интересно е што Спилберг наскоро беше надминат во износот на донацијата од анонимен добротвор кој плати 30.000 долари само два часа по исплатата на режисерот.

Во описот на кампањата се наведува дека „трошоците за медицинската нега на Џејмс и долгогодишната борба со ракот го оставија семејството без средства“ и дека сега се борат да го задржат својот дом и да обезбедат стабилност за своите деца во овие невозможни околности.

ВИДЕО | Еден ден по смртта на Џејмс Ван Дер Бик, сопругата му оддаде почит со акустична верзија на песната од серијата