Стартува никогаш посилен Евробаскет, четири кошаркари се повеќекратни „Ол-стар“ ѕвезди
Од денеска до 18 септември во четири земји (Чешка, Грузија, Италија, Германија) ќе се одржува 41 Европско првенство во сениорска конкуренција.
Титулата ја брани репрезентацијата на Словенија која во 2017 година успеа за првпат во својата историја да се закити со европската титула.
Словенците се фаворити и годинава за златото, но според обложувалниците се очекува во сериозна трка за трофејот да бидат селекциите на Србија, Франција, Грција, Литванија, Шпанија…
Дефинитивно стартува никогаш посилен Евробаскет, четири кошаркари се повеќекратни „Ол-стар“ ѕвезди со плати над 30 милиони долари. Тие се Никола Јокиќ (Србија), Лука Дончиќ (Словенија), Јанис Адетокумпо (Грција) и Руди Гобер (Франција).
Од екс ју просторите вкупно пет земји ќе настапат на ЕП: Србија, Хрватска, Словенија, Босна и Херцеговина и Црна Гора. Македонија последен пат учествуваше на континенталниот собир во 2015 година.
Евробаскет 2022
Група „А“ (Тбилиси, Грузија)
1. коло, денеска
Шпанија – Бугарија (13.30 часот)
Турција – Црна Гора (16.15 часот)
Белгија – Грузија (19.00 часот)
Група „Б“ (Келн, Германија)
1. коло, денеска
Босна и Херцеговина – Унгарија (14.30 часот)
Словенија – Литванија (17.15 часот)
Франција – Германија (20.30 часот)
Група „Ц“ (Милано, Италија)
1. коло, 2 септември
Украина – Велика Британија (14.15 часот)
Хрватска – Грција (17.00 часот)
Италија – Естонија (21.00 часот)
Група „Д“ (Прага, Чешка)
1. коло, 2 септември
Израел – Финска (14.00 часот)
Полска – Чешка (17.30 часот)
Србија – Холандија (21.00 часот)