Бројот на лица заразени со коронавирус во светот од синоќа ја надмина границата од 60 милиони, покажуваат податоците објавени на веб-страницата „Ворлдметерс”.

Според тие податоци, бројот на заразени со ковид-19 од почетокот на пандемијата достигна 60.040,652 милиони лица од кои 1.413,206 милиони пациенти починаа од последици на инфекцијата, додека 41.467,789 милиони оздравеа.

Водечка земја во светот, според бројот на заразени, сè уште се САД со 12.923,878 милиони лица, пред Индија која досега регистрира  9.221,998 милиони и Бразил со 6.118,708 милиони лица.

Европска земја со најголем број на заразени и натаму е Франција со 2.153,815 милиони случаи на коронавирус.