Иако Франција ја имаше фаворитската улога, „гаучосите“ одиграа фантастичен натпревар и после 17 години повторно ќе се борат за светската титула.

Предводени од ветеранот Луис Скола кој реализираше 28 поени и 13 скокови, а на спротивната страна за „триколорите“ доминираше Нтиликина со 16 поени.

Досега во нивната историја на светските шампионати Аргентинците имаат два медали, едно злато на првото организирано СП во 1950 година, и едно сребро во 2002 година.

Нивни ривал на Мундобаскет 2019 ќе биде селекцијата на Шпанија која претходно триумфираше над репрезентацијата на Австралија во првата полуфинална пресметка.

В сабота (14. септември) се натпреварите за пласман од 5-8 место, од 10.00 часот за седмата позиција САД-Полска, а од 14.00 часот за петтото место Србија-Чешка. В недела (15. септември) е последниот ден на СП, од 10.00 часот е битката за бронзениот медал Франција-Австралија, а од 14.00 часот е големото финале помеѓу Аргентина и Шпанија.