Легендарниот НБА кошаркар Скоти Пипен, кој беше дел од фантастичната генерација на Чикаго булс предводена од Мајкл Џордан, официјално во 2018 година се разведе од сопругата Ларса Пипен бидејќи се шпекулираше дека го изневерувала со раперот Фјучер.

Тие наводи никогаш не беа отфрлени ниту потврдени, но Ларса неодамна призна дека го изневерувала Скоти Пипен додека биле во брак и тоа со актуелниот кошаркар на Кливленд кавалирс, Тристан Томпсон.

– Се гледав со Тристан пред тој да биде во врска со Клои Кардашијан. Доаѓаше во Лос Анџелес, го однесов на забава кај Клои и го запознав со целото нејзино семејство. Десет дена подоцна почна да излегува со Клои – признава Ларса Пипен.

Ларса и Скоти Пипен беа во брак 21 година и имаат четири деца, но во 2018 година се разведоа поради неверствата на Ларса.
Таа по разводот едно време се забавуваше со актуелниот кошаркар на Филаделдија сиксерс, Бен Симонс.