Пред нешто повеќе од една година во авионска несреќа трагично загина аргентинскиот фудбалер Емилијано Сала, единствениот патник (покрај пилотот) во авионот кој се сруши над Ла Манш.

Според извештајот на ААИБ, пилотот Дејвид Иботсон летал премногу брзо во лоши временски услови, предизвикувајќи дефект на авионот, како и протекување на јаглерод моноксид (пронајден и во телото на Сала), се вели во извештајот. Воедно пилотот немал дозвола за комерцијално летање.

Pilot of plane that crashed and killed footballer Emiliano Sala was not licensed to fly the aircraft, report finds https://t.co/wwgfRKXtVZ

— BBC Breaking News (@BBCBreaking) March 13, 2020

Се верува дека труењето со гас е причина за смртта на 59-годишниот пилот, но неговото тело никогаш не било пронајдено.

Непосредно пред фаталниот лет, Сала преку Ватсап им испрати фотографии до своите пријатели, коментирајќи дека изгледа неговиот авион ќе се распадне.

Исто така, Иботсон беше далтонист, без обука за ноќно летање, а лиценцата за летање на авиони со еден мотор истече неколку месеци порано.