Екипата на „Слободен печат“ од Софија дознава дека во моментот се извадени речиси половина од телата на загинатите, а останатите ќе бидат извадени во текот на денот. Јавните обвинители Јовески и Рускоска во моментиве ја напуштиле болницата во Софија, а за медиумите изјавија дека разговарале со преживеаните кои се со полесни повреди.

„Разговаравме со нив. Нема да дадеме многу информации, бидејќи во тек е истрага. Тие ни рекоа дека сè се случило во дел од секунда“ вели Јовески.

Јовески и Рускоска потврдија дека генетскиот материјал ќе се одзема во Скопје.

На некои од повредените ќе им бидат потребни операции, но не сериозни, а сите тие ќе се изведат во болницата во Софија.

Тие не сакаа да одговарат што детално разговарале со повредените, како за причините за несреќата.

Неофицијално на местото на настанот на банкините може да се приметат траги од автобусот, кој очигледно некое време возел покрај нив.

ФОТО+ВИДЕО | ВО ЖИВО: Сите информации за тешката сообраќајна несреќа во Бугарија