Според американските медиуми, легендарното крило на Чикаго е бесен на својот соиграч Мајкл Џордан и на продуцентите на „Последниот танц“ поради начинот на кој е претставен во документарниот филм.

– Се до последните минути од шестиот натпревар од финалето против Јута само се „удираше“ по Скоти – изјави Дејвид Каплан, новинар на ЕСПН.

Според новинарот чија телевизија го реализираше документарниот филм, Скоти е лут и бесен и на самиот Џордан.

– Го вознемири тоа што Џордан го нарече себичен поради одлуката да оди на операција непосредно пред последната заедничка сезона, наместо тоа да го направи за време на летото – додава Каплан.

Слично размислување имаат и останатите новинари во САД кои ја следат НБА и случувања во и околу лигата.

– Скоти не се појавуваше премногу во јавноста, но од неговото опкружување се слушаат гласови дека е навреден и разочаран со серијата – вели новинарката Џеки Мекмалан.