Скопје викендов ќе пулсира во ритамот на џудото, во периодот од 2 до 3 август, во Спортската сала „Јане Сандански“, ќе се одржи Европскиот куп за јуниори во џудо.

Станува збор за престижен меѓународен турнир во организација на Џудо федерацијата на Македонија кој се бодува за светската ранг листа.

Над 300 млади џудисти над 25 земји ќе се борат за бодови и слава на патот кон европските и светските првенства.

– Нашите македонски репрезентативци ќе ги одмерат силите со европската елита. Бидете дел од големиот спортски настан и почувствувајте ја магијата на џудото – стои во објавата на Џудо Федерацијата на Македонија.