Припадници на Министерството за внатрешни работи во Нови Сад го уапсиле Б. Б. (1965) од овој град, поради постоење основи на сомнение дека сторил кривично дело – прикажување, прибавување и поседување порнографски материјал, како и искористување малолетни лица за порнографија, објавија српските медиуми.

Полицијата се сомнева дека, како професор во средно училиште, на учениците им прикажувал снимки со порнографска содржина на компјутер.

Задржан е до 48 часа и ќе биде спроведен, со кривична пријава, до Основното јавно обвинителство во Нови Сад.