Унгарскиот министер за надворешни работи се огласи на социјалните мрежи по објавувањето на аудиоснимката од неговите телефонски разговори со рускиот министер за надворешни работи Сергеј Лавров и со други високи руски функционери. Разговорите покажаа колку длабоко Будимпешта работела за интересите на Кремљ во рамките на Европската Унија.

Сијарто ги обвинува странските шпиони и унгарските новинари за сè и тврди дека снимките докажуваат дека тој го кажува истото и во јавни и во приватни разговори.

„Одамна е познато дека странските разузнавачки служби, со активно учество на унгарските новинари, ги прислушуваат моите телефонски разговори. Денес тие направија ново „големо откритие“: докажаа дека јас зборувам исто и во јавност и во приватни разговори. Одлична работа!“, напиша унгарскиот министер за надворешни работи на социјалната мрежа X.

Тој додаде дека четири години Унгарија тврди дека „санкциите се неуспешни и дека тие предизвикуваат поголема штета на Европската Унија отколку на Русија“.

„Сепак, списокот на прислушувани разговори не е комплетен. Исто така, редовно разговарав со министри за надворешни работи од неколку земји надвор од ЕУ за прашања поврзани со санкциите“, напиша Сијарто.

It has long been known that foreign intelligence services, with the active involvement of Hungarian journalists, have been intercepting my phone calls. Today they have made a new “major discovery”: they proved that I say the same publicly as I do on the phone. Nice work!

For…

— Péter Szijjártó (@FM_Szijjarto) March 31, 2026

АУДИО | Се појави снимка која покажува дека Унгарија долго ги исполнувала желбите на Кремљ