Шведските ракометари славеа во скандинавското дерби за четвртфинале, Црна Гора без шанси против Полска
Црна Гора беше поразена од кодомаќинот Полска со резултат 27:20 (11:8, 16:12) во натпреварот од второто коло во главната фаза од групата „1“ на Светското ракометно првенство.
Пред оваа средба веќе беше познато дека Шпанија и Франција од оваа група се пласираа во четвртфиналето, а во престижниот меч Полјаците покажаа дека се моментно подобра репрезентација од Црна Гора.
After a big day of main round games in groups I and II, the first #POLSWE2023 quarter-finalists are confirmed: 🇫🇷 France, 🇪🇸 Spain and 🇸🇪 Sweden 💪🏻 The standings in these groups with one round to go ⬇️#sticktogether pic.twitter.com/PcSlNLj73k
— International Handball Federation (@ihf_info) January 20, 2023
Домашната селекција до победата ја предводеа Једрашчик со шест гола и Шичко со пет гола. Најдобри во редовите на селекторот Рогановиќ, како и обично, беа двајцата Вујовиќ, Милош со пет и Бранко со гол помалку, исто толку постигна и Чепиќ.
Во групата „2“ се одигра големото „скандинавско“ дерби кое го судеа Ѓорѓи Начевски и Славе Николов од Македонија. Шведска, уште еден домаќин на првенството, беше подобра од Исланд со 35:30 и така се пласираше во четвртфиналето.
Најефикасни во репрезентацијата на „трите круни“ беа Пелас со осум и Екберг со шест гола. Во редовите на Исланд блескаше Елисон, кој постигна осум гола.
Светско првенство 2023 Полска/Шведска
Главна фаза
Второ коло, резултати –
Група „1“
Словенија – Шпанија 26:31
Иран – Франција 29:41
Црна Гора – Полска 20:27
Табела:
1. Франција 8 бодови
2. Шпанија 8
3. Словенија 4
4. Полска 2
5. Црна Гора 2
6. Иран 0
Трето последно коло, двојки (22 јануари) –
Црна Гора – Словенија
Иран – Полска
Шпанија – Франција
Група „2“
Зеленортски Острови – Португалија 23:35
Бразил – Унгарија 25:28
Исланд – Шведска 30:35
Табела:
1. Шведска 8 бодови
2. Португалија 5
3. Исланд 4
4. Унгарија 4
5. Бразил 3
6. Зеленортски Острови 0
Трето последно коло, двојки (22 јануари) –
Зеленортски Острови – Унгарија
Бразил – Исланд
Шведска – Португалија