Шутц: Споровите на Западниот Балкан треба да се решаваат во духот на добрососедството

Споровите во регионот на Западниот Балкан, вклучително и оној меѓу Северна Македонија и Бугарија, што би можеле да влијаат на членството во ЕУ, треба да бидат решени во духот на добрососедските односи, смета директорката за Балканот во германското Министерството за надворешни работи, Сузане Шутц.

Споровите во регионот на Западниот Балкан, вклучително и оној меѓу Северна Македонија и Бугарија, што би можеле да влијаат на членството во ЕУ, треба да бидат решени во духот на добрососедските односи, смета директорката за Балканот во германското Министерството за надворешни работи, Сузане Шутц.

– Предлог рамката за преговори (за членство), предложена од Европската комисија на 1 јули ја нагласува заложбата за добрососедските односи и поблиска регионална соработка, како и важноста за постигнување на видливи резултати и спроведување на билатералните договори со добра волја, вклучувајќи го и Договорот од Преспа со Грција и Договор за добрососедски односи со Бугарија, вели Шутц во интервју за БИРН.

Според неа, формулата во договорот меѓу земјава и Бугарија, усогласен од премиерите на двете држави Зоран Заев и Бојко Борисов, според која, историјата треба да им се остави на историчарите, и натаму останува во игра.

– И двете земји треба да ги решат отворените прашања во рамките на билатералниот договор, на примнер преку комисијата на историчарите, додава Шутц.

Таа потенцира дека заеднилкото копретседавање на Скопје и Софија со Берлинскиот процес во текот на оваа година претсавува многу добра можност за надминување на билатералните разлики, дополнително продлабочување на соработката во регионот на Западен Балкан и зајакнување и проширување на меѓусебната доверба.

Според Шутц, Германија има за цел да ги финализира преговарачките рамки и да ја одржи првата меѓувладина конференција со Северна Македонија, доколку се исполнети условите, исто како и со Албанија, во текот на германското претседавање со ЕУ во втората половина од оваа година.

– Западниот Балкан е високо на агендата на германското претседателство со Советот на ЕУ, но конкретниот напредок на државите кон интеграцијата во ЕУ – од започнувањето на преговорите, до отворањето на поглавјата – зависи од нивната заложба за владеење на правото и слободата на медиумите, додава Шутц.

Споредд неа, Германија сака да види „обновен интензитет” во односите меѓу ЕУ и Западниот Балкан, особено по одлуката на Советот на Унијата за отворање рна преговорите за членство со Албанија и Северна Македонија и усвојувањето на пакетот помош од 3,3 милијарди евра за земјите од регионот за ублажување на последиците од пандемијата со коронавирусот.

– Ние сакаме да ја одржиме оваа позитивна динамика. Ова значи, пред се, и понатаму да се постават темелите за пристапни преговори со Албанија и Северна Македонија преку финализирање на преговорачките рамки. Работиме напорно со нашите партнери во ЕУ и со Северна Македонија и со Албанија за постигнување на оваа цел, додава Шутц во интервјуто.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот