Шпанија ни направи услуга, ракометарите ќе играат во полуфиналето на Медитеранските игри
Ракометната репрезентација на Македонија ќе игра во полуфиналето на Медитеранските игри што се одржуваат во Оран, Алжир, и тоа благодарение на селекцијата на Шпанија.
Избраниците на селекторот Кирил Лазаров вчера со 31:22 ја совладаа Турција во својот последен натпревар во групата Б и денеска со нетрпение го очекуваа дуелот меѓу Шпанија и Алжир.
На Македонија единствен резултат од денешниот натпревар и одговораше победа на Шпанија и „фуријата“ не не разочара, славеше со убедливи 31:19 и не остави на второто место на табелата.
Шпанците доминираа во текот на целиот натпревар и победата не им беше загрозена во ниту еден момент, а на крајот славеа со убедливи 12 гола разлка.
Македонија и Алжир имаат ист број бодови, но поради подобра гол разлика, избраниците на селекторот Кирил Лазаров ќе играат во полуфиналето против Египет кој беше најдобар во групата А.