Вкупно пет натпревари беа на програмата од деветтото коло денеска во Првата македонска фудбалска лига, најубедлива беше Шкендија која со 3:0 го совлада Борец.

Тетовските „црвено-црните“ го обезбедија третиот триумф сезонава уште во првото полувреме, два гола беа дело на Гури (еден од пенал), а еден запиша Дориев во петтата минута од средбата.

Мируваа мрежите на мечот Пелистер – Тиквеш, а штипска Брегалница со погодокот на Алтипармаковски во петтата минута го совлада составот на Струга Трим Лум.

Не беа расположени стрелците ниту на дуелот Скопје – Академија Пандев, а немаше победник и на пресметката Македонија ЃП – Ренова (1:1).

Во 36 минута Серафимовски стрелаше за водство на „гипсарите“, а ѓорчепетровци израмија во 87 минута од пенал кој го реализираше Адем.

Рундата ќе биде комплетирана в недела со последниот шести меч помеѓу Шкупи и Работнички (15.00 часот).

На табелата води Ренова со 18 бдовои, 17 има Шкупи, по 15 Академија Пандев и Работнички, Шкендија 14, по 13 Струга Трим Лум и Брегалница, 10 Македонија ЃП, девет Скопје, Борец седум, претпоследен е Тиквеш со шест, а на дното Пелистер со четири единствен без триумф.