Сензација во Париз, испадна уште еден фаворит на „Ролан Гарос“

фото: EPA-EFE/CHRISTOPHE PETIT TESSON

Италијанскиот тенисер Лоренцо Сонего обезбеди пласман во четвртото коло на „Ролан Гарос“, откако го совлада седмиот носител на грен слем турнирот Андреј Рубљов со 3:2 во сетови (5:7, 0:6, 6:3, 7:6, 6:3).

Видовме еден неверојатен меч во Париз, а ништо не навестуваше дека Русинот ќе го заврши натпреварувањето веќе во третото коло. Рубљов имаше водство од 2:0 во сетови, но и тоа не му беше доволно за пласман во следната фаза.

Сонего постепено се враќаше во мечот, го освои третиот сет, потоа во тај-брејкот од четвртиот повторно беше подобар од Рубљов. Со брејк во осмиот гем од петтиот сет успеа да стигне на чекор до голема победа која ја потврди во следниот гем и стигна до една од најголемите победи во кариерата.

Италијанецот за пласман во четвртфиналето ќе игра против уште еден Русин Карен Хачанов (11 носител) кој со 6:4, 6:1, 3:6 и 7:6 (5) го елиминираше Танаси Кокинакис од Австралија.

И во женска конкуренција се случи изненадување, третата носителка Џесика Пегула од САД загуби со 2:0 (6:1, 6:3) во Белгијката Елиз Мертенс.

Мертенс во осминафиналето ќе игра против Анастасија Пављученкова која во рускиот дуел со 2:1 (4:6, 6:3, 6:0) ја совлада Анастасија Потапова.

Се одиграа уште два меча, Дарија Касаткина (деветта носителка, Русија) убедливо со 6:0 и 6:1 беше подобра од Американката Пејтон Стирнс, додека втората носителка на турнирот, Белорусинката Арина Сабаленка двапати со 6:2 триумфираше над Русинката Камила Рахимова.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот