Светскиот рекет број еден Карлос Алкараз нема по добро да ја памети американската турнеја, откако по разочарувањето во Индијан велс, рано го заврши настапот и на Мастерсот во Мајами.

Шпанецот беше елиминиран уште во третото коло, откако подобар од него се покажа Американецот Себастијан Корда, кој по нешто повеќе од два часа игра славеше со 2-1 во сетови (6-3, 5-7, 6-4).

Алкараз во текот на целиот натпревар тешко влегуваше во посакуваниот ритам. Иако во вториот сет успеа да се врати со серија од четири освоени гема и да израмни, во решавачкиот дел повторно падна во играта. Корда ја искористи шансата, направи клучен брејк во седмиот гем и го приведе мечот во своја корист.

Со овој неочекуван пораз, се отвора простор за Јаник Синер дополнително да ја намали разликата на АТП листата, но Италијанецот ќе мора да оди до самиот крај и да го освои турнирот во Мајами, како што тоа го направи и во Индијан Велс.