Седлоски: Шамрок ни даваше голови на наши грешки

Гоце Седлоски одлучи да ја напушти клупата на ФК Шкупи/фото: Слободен печат/Драган Митрески

Тренерот на Шкупи, Гоце Седлоски му честита на Шамрок Роверс на пласманот во плеј-офот за Лигата на Европа откако вечерва ирскиот тим славеше со 1:2 и двомечот го доби со вкупни 2:5.

– Честитки за победата на Шамрок и пласманот во следната фаза. Останавме без неколку играчи денеска, но тоа не е оправдување. Во првиот дел не постоеше среден ред, а Шамрок ни даваше голови на наши грешки. Кога почнавме да играме малку во вториот дел, примивме гол кој беше клучен. Налетавме на добра екипа, агресивна која во овие 180 минути заслужено не победи и уште еднаш честитки за противникот – рече Седлоски.

Шкупи се уште има шанса да обезбеди европска есен и тоа преку плеј-офот за пласман во Лигата на конференции каде противник на македонскиот шампион ќе биде подобриот од дуелот меѓу Балкани од Косово и Клаксвик од Фарски Острови.

– Имаме доволен ростер на играчи, сега нѐ чека првиот натпревар во Првата лига, па имаме уште една шанса за групната фаза во Лигата на конференции. Во четврток го чекаме ривалот и ќе мора да балансираме помеѓу двете натпреварувања – смета Седлоски.

 

Видео на денот