Себастијан Фетел повеќе нема да вози во Формула 1, беше објавено во четвртокот. Четирикратниот светски шампион оваа сезона сè уште вози за тимот на „Астон Мартин“.

Четири шампионски титули, 53 победи, 122 подиуми, една феноменална кариера. На овој начин Формула 1 објави дека легендарниот Германец се збогува на крајот од сезоната.

„Астон Мартин“ на својата веб-страница напиша дека една од најдобрите кариери во историјата на спортот е при крај. И навистина единствените двајца мажи кои почесто победувале на трките во Формула 1 се Михаел Шумахер и Луис Хамилтон кои имаат 91 односно 103 победи.

– Иако нашите резултати не беа онакви какви што се надевавме, јасно ми е дека сè е договорено тимот да се трка на најдобро ниво во наредните години. Се надевам дека ќе продолжам со истата работа оваа година и ќе бидам од помош во развојот на победнички тим во иднина – вели Фетел.

Фетел изјави дека долго време размислувал да се пензионира, но дека сака да се посвети на семејството и улогата на татко. Тој исто така вели дека уживал да работи со сите големи луѓе во Ф1.

NEWS: Sebastian Vettel will retire from #F1 at the end of the 2022 season, bringing one of the greatest careers in the history of the sport to a close.

Read more from Sebastian, Lawrence Stroll and Mike Krack. ⬇️

— Aston Martin Aramco Cognizant F1 Team (@AstonMartinF1) July 28, 2022

Тој почна да работи со нив уште во 2007 година кога возеше за „Торо Росо“ откако се префрли од „Заубер“. Потоа во 2009 година веќе премина во „Ред Бул“, а во 2010 година ја освои првата од четирите последователни шампионски титули. Во 2015 година се пресели во „Ферари“, кој не успеа да го врати на тронот. Двапати беше вицешампион, а најдобрата шанса ја пропушти во 2018 година.

Вилнев: Леклер и Ферари се најдобар пример како не се освојува титулата