Сè уште се трага по затрупаните рудари во Замбија
Спасувачите од Замбија сè уште трагаат по најмалку 25 рудари кои пред три дена беа затрупани од лизгање на земјиштето во отворен рудник за бакар, соопшти министерот за рудници Пол Кабусве.
Рударите во рудникот Шесели во Чингола, на околу 400 километри северозападно од главниот град Лусака, останаа заробени на три места, а во меѓувреме силниот дожд ја поплави јамата, соопшти владата.
Се уште не е познато колку рудари се затрупани, но Кабусве рече дека досега се јавиле 25 семејства во потрага по нивните исчезнати роднини, кои работеле во рудникот во моментот на несреќата.
Меѓу спасувачите е и војската, како и други помагачи од големите рударски компании. Кабусве рече дека поради мекото тло сите се многу внимателни, што ја успорува спасувачката операција.
– Мораме да запомниме дека не треба да предизвикуваме несреќа како дел од несреќа, објасни Кабусве.
Спасувачите стигнаа на местото каде што се верува дека се заробени 16 рудари, а нови информации за операцијата ќе бидат објавени денеска, рече министерот.