Врховниот суд во Хрватска денеска повторно донесе одлука целосно да ѝ го одземе старателството на пејачката Северина Вучковиќ врз нејзиниот син Александар и да му го предаде на нејзиниот поранешен партнер, српскиот бизнисмен Милан Поповиќ.

Сега Поповиќ првпат се огласи по донесената одлука.

„Врховниот суд е највисоката судска инстанца во Република Хрватска. Пресудата е донесена со едногласна одлука на совет од пет врховни судии. Одлуката е праведна и јас сум задоволен, но приказната сѐ уште не е завршена. Жупанискиот суд во Сплит и другите судии во овој случај му нанесоа непоправлива штета на нашето дете“, изјави Милан Поповиќ за РТЛ, а потоа додаде:

„Оваа одлука не значи дека мајката нема да може да го види детето. Во тие 20 месеци кога детето живееше со мене, мајката не дојде да го земе детето повеќе од половина од термините, а што е уште полошо – не ни бараше да поминува повеќе време со детето. Ова е само уште еден медиумски циркус на Северина Вучковиќ, сезона 156“.

Откако изјавата беше објавена на РТЛ, таа набрзо беше отстранета, а причината не е позната.

Да потсетиме, во последните неколку години, хрватската пејачка Северина Вучковиќ помина низ многу тешки моменти кога по судска одлука целосното старателство над син ѝ Александар му припадна на неговиот татко – Милан Поповиќ.

Судот во целост ѝ го одзема старателството на Северина: Ќе се борам до последната капка крв за моето дете