Украинската војска штотуку го објави своето најново ажурирање за руската инвазија, велејќи дека „непријателот продолжува со офанзивната операција, но темпото на напредување на неговите трупи значително забави“.

На 13-тиот ден од рускиот напад, Генералштабот на вооружените сили на Украина соопшти дека – од 06:00 часот по локално време на 8 март – украинските трупи продолжуваат да се бранат во јужниот, источниот и северниот сектор. Главниот град Киев како и северниот град Чернихив сè уште се во рацете на Украина.

Се додава дека противвоздушната одбрана на земјата успешно ги одбива ракетните и воздушните напади.

„Окупаторите се деморализирани и се повеќе прибегнуваат кон грабежи и кршење на правилата на меѓународното хуманитарно право за воен конфликт“ целат тие.

Украинската војска, исто така, тврди дека Русија сега прибегнува кон психолошка војна, велејќи дека групи руски сили се создадени за да извршуваат задачи поврзани со „спроведување пропагандна работа“ на окупираните територии за да влијаат врз локалните жители.