Руската федерална агенција за биомедицина направи препарат за лекување на коронавирусот на основа на антималарискиот лек мефлокин, соопшти прес-службата на оваа организација.

Овој препарат ги блокира цитопатолошките ефекти на коронавирусот на клеточно ниво и го запира неговото множење, се наведува во соопштението, а пренесува српски „Курир“.

Покрај тоа, имуносупресивното дејство на мефлокинот блокира било какво воспаление кај заразените лица.

Со самото тоа, како што наведува руската Агенција, овој препарат осигура ефикасно лекување на пациентите кои се заболени со коронавирусот во различни фази на инфекцијата.

За потсетување, Светската здравствена организација на 11 март прогласи пандемија на новиот коронавирус. Првите случаи на заразени со овој вирус се забележани на крајот на 2019 во кинескиот град Вухан.