Генералниот секретар на ВМРО-ДПМНЕ, Драган Ковачки, соопшти дека на првата седница на Извршниот комитет било решено да се спроведе сеопфатен реизбор на претседателите во 76 општински комитети, како и на челниците на Унијата на ветерани, Унијата на жени и на Унијата на млади сили.

Во пораката упатена до членството, Ковачки изјави дека партијата функционира „како динамична организација што постојано се надградува и отвора простор за свежи идеи и за нова енергија“.

Во Вреди не можат да се договорат за министрите, ќе ја почекаат реконструкцијата?

Според него, процесот на реизбор претставува „шанса за голем број членови и активисти со капацитет и со мотив да се вклучат во унапредување на внатрепартиската работа и во креирањето на политиките“.

Тој рече дека треба да се охрабрат и да се вклучат „луѓе со личен и професионален интегритет, кои ќе придонесат за поголемо единство во партијата и ќе работат одговорно и посветено“.

– Отворени сме за секој што сака да биде дел од тимот што победува – изјави Ковачки.

Ќе ја почитувам секоја одлука на премиерот, вели Јаневска за евентуалната реконструкција на Владата