Рељиќ со трофејот од „Тирана Опен“, најдобар борец од сениорките
Македонската таеквондо натпреварувачка Мила Рељиќ доминираше на меѓународниот турнир „Тирана Опен“ во Албанија и беше прогласена за најдобар борец од сениорките.
Како што информира Таеквондо клубот „Тигри“ – Скопје, Рељиќ со три технички нокаути со резултат 22:2, 28:3 и финалната од 21:1 над своите противнички успеа да се закити со трофејот на Топ Џим Тирана Опен натпреварот во таеквондо.
Освои и пехар за најдобра сениорки, во олимписки тежински категории, сениорки -67кг беше доминантна над своите противнички и само ја потврди својата добра форма.
Од Таеквондо Клубот Тигри Скопје на овој турнир учествуваа уште пет натпреварувачи освојувајќи два сребрени и еден бронзен медал.
Тамара Младеновска во сениорки -67 загуби на златен поен, учество земаа и Ивона Блажевска, Максим Блажевски, Мила Зафировска и Христијан Деспотовски.