Рецепт за вкусен колач со лимон и бозел: Искористете ја сезоната на бозел
Бозелот се бере по неколку сончеви денови без дожд за да има што повеќе полен на цвеќето, бидејќи го дава тој препознатлив вкус и мирис. Внимателно изберете локации каде што нема загадување во близина.Сезоната на бозел е во полн ек, па не дозволувајте да помине без да направите нешто од бозел, бидејќи е вкусен, но и многу здрав. За неговите лековити својства луѓето знаат уште од античко време – ги ублажува воспаленијата, го регулира варењето, го стимулира потењето, го чисти телото од насобраните токсини…
Од цвеќиња можете да направите се и сешто – од колачи и чај до сок, мед… Одлични се бобинките од бозелот, кои се појавуваат на гранките на крајот на летото. Се користат за правење џемови и мармалади, сирупи и мафини.
Сочен колач со лимон и бозел
Потребни состојки:
За базата:
– 250 г несолен путер (многу мек)
– 200 г шеќер
– рендана кора од 3 лимони
– 3 јајца
– 250 г брашно
– 1 ипол лажичка прашок за пециво
– четвртина лажичка сол
– 100 мл млеко
За преливот:
– 3 лажици сок од лимон
– 100 мл сируп од бозел
За глазурата:
– 250 г шеќер во прав
– 2 лажици сок од лимон
Подготовка:
Вклучете ја рерната на 175 степени и додека се загрева почнете да се подготвувате. Калапот (25х10см) премачкајте го со путер и ставете хартија за печење (на дното и од страните) за малку да штрчи од протванот (за подоцна полесно да го извадите колачот). Потоа почнете да ја правите базата. Изматете ги путерот и шеќерот, додадете ја ренданата кора од лимон и едно по едно јајце, внимавајте секое добро изматено пред да го додадете другото. Во друг сад измешајте ги брашното, прашокот за пециво и солта, а потоа измешајте половина од смесата со путерот и другото. Кога убаво ќе се соедини смесата додадете го млекото, а потоа и преостанатата смеса со брашно. Измешајте ја смесата уште малку и префрлете ја во подготвениот сад за печење, израмнете и печете 50 минути до еден час, проверете со чепкалка, чепкалката да излезе чиста од тестото. Направете го преливот мешајќи сируп од бозел и сол од лимон – ставете го на готовиот бисквит, но прво направете мали дупчиња за течноста да влезе подлабоко во колачот што подоцна ќе го направи посочен.После тоа, време е за правење на глазурата – изматете ги сите споменати состојки добро да се соединат, па нанесете ја на колачот откако ќе ја извадите од калапот.
