Рецепт за освежителен мус од лимон со само 3 состојки, најубавиот летен десерт
Овој едноставен рецепт може да го совладаат и најголемите аматери во кујната. Најтешкиот дел од целиот процес е да се чека да се излади во фрижидер. Доколку имате желба за нешто благо, а освежително, наместо комплицирани рецепти со многу состојки, ви носиме едноставен рецепт без преголема филозофија. Оваа брза верзија на вкусен мус од лимон, се прави со само три состојки и не вклучува јајца.
Препорачано
Состојки:
– 250 мл слатка павлака за шлаг
– 230 мл бело чоколадо
– 80 мл свежо исцеден сок од лимон
Подготовка:
Белото чоколадо исечкајте го на ситни парчиња и стопете го. Во смесата додајте го свежо исцедениот сок од лимон и измешајте. Ставете ја смесата во фрижидер околу половина час. Претворете ја павлаката во шлаг и измешајте со смесата со лимон додека не се соединат сите состојки. Смесата се дели на помали порции (чаши) и се става во фрижидер да отстои два часа пред да се послужи. Пријатно!
