Ако ви здодеаjа класичните рецепти за пити, ви предлагаме нешто поинакво. Зошто да не направите комбинација од пита и ролат со спанаќ и сирење.

По желба додадете шунка, пченка или маслинки, и ќе добиете сочно јадење. Пробајте и уживајте!

Состојки:

– тенки кори
– 7 брикети замрзнат спанаќ
– 200 грама сирење
– 2 јајца
– 1 лажица кисела павлака
– 200 грама шунка или друго, на парчиња

За прелив:

– 100 мл јогурт
– 1 јајце
– 50 мл маслиново масло
– 1/2 прашок за печиво

Подготовка:

Издробете го сирењето, додадете ги двете јајца, павлаката и спанаќот па сѐ изедначете. Во друг сад сипете јогурт, додадете јајце, масло и прашок за печиво и изедначете ја смесата.

Првата кора премачкајте ја со 2-3 лажици прелив, врз неа втората кора, па третата кора. На дното на кората наредете ги парчињата од сувомеснато, а преку нив сирењето и спанаќот.

Свиткајте ги рабовите и завиткајте во ролат и редете во плех обложен со хартија за печење.

Остатокот од преливот прелијте го врз ролатите. Сечете го на пократки ролати. Печете на 200 степени околу 50 минути.