Бројот на мигранти кои илегално влегуваат во ЕУ преку Западен Балкан е скоро двојно зголемен оваа година, соопшти Европската агенција за гранична стража (Фронтекс). Според нив најголем број од луѓето се Сиријци и Авганистанци, а трети се Мароканците. 

Податоците на Фронтекс покажуваат дека од јануари до јули се откриени 22,600 мигранти кои илегално влегле во ЕУ од западнобалканската рута, што е за 90% повеќе од истиот период лани. 

Минатиот месец беа откриени 3,600 илегални преминувања на границата на ЕУ од западнобалканската рута, за 67% повеќе него јули 2020-та година. 

Како што наведува Фронтекс, притисокот на мигрантите продолжува да расте на источните граници на ЕУ, каде на границата на Литванија беа забележани повеќе од 3 илјади илегални преминувања на мигранти од Белорусија. 

Централномедитеранската рута во јули имала најголем удел во илегалните преминувања а потоа е западнобалканската рута. 

На таа рута најмногу лица има од Тунис, Бангладеш и Египет. 

Бројките на илегални мигранти според Фронтекс би требало да се намалат во иднина.