Ракометните кадети со нов селектор ќе бркаат пласман на ЕП 2024
Ракометната Федерација на Македонија (РФМ) донесе одлука за именување на Наум Танески за нов селектор на машката кадетска репрезентација, а за помошник тренер е именуван Миле Бочкаровски.
Кадетите ќе учествуваат на квалификациски турнир кој ќе се одржува во периодот од 4 до 8 јануари 2024 год.
Организатор на групата за квалификацискиот турнир е РФМ, натпреварите ќе се одигруваат во спортскиот центар „Автокоманда“ во Скопје.
На турнирот ривали ќе бидат националните селекции на Косово, Швајцарија и Словачка, а најдобрите две репрезентации ќе обезебедат пласман на Европското првенство (М18) во Црна Гора следната година.
Во пресрет на подготвителниот период ракометарите ќе играат и на турнирот „Трофеј Карпати“ кој ќе се одржи во Плоешти, Романија во период од 25 до 29 октомври 2023, на кој ќе настапат и селекциите на Египет, Црна Гора и Романија.
Кристијан Грчевски ВД селектор на женската ракометна сениорска репрезентација на Македонија