Целје имаше задача денеска имаше за задача да го победи Кил на гостински терен во 13 претпоследно коло од групната фаза во ЕХФ Лигата на шампионите за да ги одржи шансите за осминафинале, но Германците беа пресилни и на крајот славеа со 39:27.

За Кил во триумфот блескаше Данецот Јакобсен со девет погодоци, а на спротивната страна по пет голови постигнаа Иванковиќ и Јанц.

Словенците после 10 пораз сезонава ги загубија сите шанси за пласман во елиминациските борби, а таму благодарение на победата на Кил ќе биде составот на Пик Сегед.

Уште од претходно елиминиран од трката за влез во осминафиналната фаза е и норвешкиот Елверум кој со 31:24 загуби кај Алборг.

На табелата во групата „Б“ Барселона е првопласирана со 23 бодови и заедно со второпласираниот Кјелце (20) обезбедија директен пласман во четвртфиналето. На третата и четвртата позиција се Нант и Кил со по 14 бодови, Алборг има 11, а Пик Сегед 10. Претпоследен е Целје со шест, а Елверум има два.