Прва радост за боксерите на Вардар во Регионалната лига
Македонскиот претставник во Регионалната лига во бокс, Вардар ја оствари првата победа откако во четвртото коло во рамки на групата А го совлада тимот на Железничар од Сараево со 14:6.
„Црвено-црните“ победија на седум борби. Во младинска конкуренција две службени победи, противникот немаше свои боксери во категориите 56кг и +91 кг. Во сениорска конкуренција победи остварија Бериша Јетон, Јасин Љама, Бајоку Шпетим, Лео Јовановски и Арсим Етемеи. Порази запишаа, Оран Шакировски, Ерлаб Бериша и Арианит Пачаризи.
Со триумфот, Вардар остана во во игра за пласман во полуфиналето. Вардар е третопласиран во групата А со два бода, прва е Лозница со осум, Железничар е втор со четири бода. Следниот меч н боксерите на Вардар ќе биде дуелот против Лозница во во февруари идната година.