По четирите одржани протести, вработените во „Флораком“ и во „Луна“, кои со двочасовно блокирање на Илинденска го искажаа своето незадоволство поради неисплатените две плати, конечно деновиве добија плата за јуни.

Исплатата уследила по состанокот на претседателот на СУТКОЗ Стојанче Кашиковски и директорот на ЈП „Паркови и зеленило“, Јетон Бучи.

Јулската плата за вработените во овие две фирми основани од ЈП „Паркови и зеленило“ како што сме известени од директорот ќе биде исплатена во исто време кога ќе им биде исплатена и на вработените во „Паркови и зеленило“ односно за неколку дена, информираат од Сојузот на синдикати на Македонија.

„Флораком„ и „Луна“ не прифаќаат – нема пари, стрпете се: Блокадите ќе продолжат, а правдата ќе се бара и на суд

Оттаму додаваат дека се очекува по финансиската стабилизација и добивањето на субвенциите, кои беа изгласани од Советот на град Скопје,  нареднта плата односно плата за  август за сите вработени во „Паркови и зеленило“, „Флораком“ и „Луна“ да се исплати во законски предвидениот рок.