Проблеми за селекторот Тодоров, Ѓуроски позитивен на корона и не игра во Талин
Македонскиот кошаркарски репрезентативец, Стојан Ѓуроски нема да биде во можност да биде дел до нашиот сениорски национален тим за претстојниот квалификациски турнир во Естонија.
Репрезентативното крило доби позитивен резултат на задолжителниот ПЦР тест кој го направи по враќањето во Аликанте.
– За жал, нема да можам да му помогнам на националниот тим за Битките во Талин. По враќањето во Скопје, каде мораше да средам некои технички работи поврзани со работната дозвола за Шпанија, бев тестиран од страна на клубот. Тестот се покажа како позитивен, а тоа ме однесе во самоизолација – вели Ѓуровски, за интернет страницата на КФСМ.
Поради позитивнио тест, Стојан Ѓуроски нема да биде дел од репрезентацијата која од 28. до 30. ноември во Талин, Естонија, каде во „меур“ ќе се играат квалификациите за пласман на Евробаскет 2022. Македонија во Талин треба да игра против Италија и Естонија.
– Според шпанските закони, има некои правила кои се однесуваат за спортистите. Нема одреден број на денови кои морам да ги поминам во карантин. За пет-шест дена ќе бидам повторно тестиран, па ќе видиме. Засега немам ништо, не чувствувам никакви симптоми. Немав контакт со никој од клубот, затоа што по враќањето прво што требаше да направам беше да се тестирам. Искрено, ми е многу криво што нема да играм во Естонија Но што е, тука е. Здравјето е пред сè – додава Ѓуроски.