Проблеми за Е. Пелистер пред дуелот со Ним: Мараш и Обрадовиќ позитивни на ковид-19
Ракометарите на Еурофарм Пелистер утревечер (18.45 ч.) со гостувањето кај Ним, ги продолжуваат настапите во Лигата на Европа, но тренерот Жељко Бабиќ се соочува со проблеми бидејќи нема да може да смета на четворица ракометари, од кои двајца се позитивни на коронавирус.
Иако сите ракометари на Еурофарм Пелистер се вакцинирани, на денешното тестирање пред заминување за Франција, Матео Мараш и Немања Обрадовиќ биле позитивни на коронавирус и се испратени во самоизолација. Дополнителни главоболки на тренерот Бабиќ му создава и податокот дека против Ним нема да настапат ниту Јосип Периќ поради болест како и повредениот Мирко Радовиќ.
Повикани ракометари за натпреварот Ним – Еурофарм Пелистер:
– Мартон Секељи
– Марко Кизиќ
– Гоце Ојлески
– Бојан Маџовски
– Дејан Кукуловски
– Стипе Мандалиниќ
– Реиние Табоада
– Марио Танковски
– Мартин Велковски
– Јосип Божиќ Павлетиќ
– Ненад Костески
– Елмир Граџан
– Никола Маркоски
– Милорад Кукоски