Мажот во зелена јакна кој за време на протестите во Нови Сад во понеделникот навечер ѝ ја удрил главата на една студентка во ѕид, а потоа им удирал шлаканици на уште неколку студенти, е задржан во полиција по полноќ, објави „Нова“.

Горски Матовиќ, познат како „класичен СНС-јуришник“, поранешен навивач и еден од водачите на групата „Корида“, околу која биле собрани навивачи на ФК Нови Сад, воедно е и поранешен осуденик.

Според базата на податоци за жителите на т.н. „Ќациленд“, Матовиќ бил повеќепати осудуван, меѓу другото за насилничко однесување и фалсификување.

ВИДЕО | Брутално полициско насилство во Нови Сад: Ја удира девојката по глава и ја влече за коса

Откако во понеделникот навечер, за време на протестот пред Српскиот народен театар во Нови Сад, малтретирал и напаѓал студенти, тој синоќа бил приведен.

Како што дознава „Нова“, Матовиќ е задржан во полициска станица до 48 часа.

Во наредниот период ќе биде изведен пред Вишото јавно обвинителство во Нови Сад на распит, со поднесена кривична пријава.

За потсетување, во вторникот се одржаа протести низ целата Србија, по насилството извршено од приврзаници на владејачката Српска напредна партија врз студенти и врз граѓани во Нови Сад, за време на одбележувањето на 200-годишнината од основањето на Матица Српска.

ВИДЕО | Брутално полициско насилство во Нови Сад: Ја удира девојката по глава и ја влече за коса