Принцезата Беатрис, постарата ќерка на принцот Ендру и нејзиниот сопруг Едоардо Мапели Моци го очекуваат своето второ заедничко дете, а веста ја потврдија на официјалниот инстаграм-профил на кралското семејство.

Среќната вест доаѓа во една од најпредизвикувачките години за кралското семејство, кога на кралот Чарлс, принцезата Кејт Мидлтон и мајката на Беатрис, Сара Фергусон, војвотката од Јорк, им беше дијагностициран рак.

– Нејзиното кралско височество принцезата Беатрис и господинот Едоардо Мапели Моци со големо задоволство објавија дека на почетокот на новата година го очекуваат своето второ заедничко дете – пишува покрај заедничката фотографија на парот.

Кралот е информиран, а двете семејства се воодушевени од веста.

Инаку, внуката на покојната кралица Елизабета Втора пред три години ја роди ќерката Сиена Елизабет Мапели Моци. Беатрис и Едоардо се венчаа во јули 2020 година, а Мапели Моци го има синот Волфи од претходната врска.

Поранешното момче на британската принцеза пронајдено мртво во Мајами: Toa на крајот го чинеше живот!