Претседателот на ЕПП, Вебер бара одговор од Мишел: Зошто ЕУ не воведе санкции кон Лукашенко?
Претседателот на Европската народна партија (ЕПП), најбројна пратеничка група во Европскиот Парламент (ЕП), Манфред Вебер денеска го праша претседателот на Европски совет, Шарл Мишел зошто и белорускиот претседател Александар Лукашенко не е опфатен со европските санкции што се воведени кон белоруските политичари.
– Чашата е пола полна и пола празна. Пола е празна бидејќи имаме одговорни за тортура и насилство во Белорусија, но се прашувам каде во сето тоа е Лукашенко и го прашувам Мишел, зошто?“, истакна Вебер на парламентарната седница на ЕП.
Европската Унија (ЕУ) на минатонеделниот Самит одлучи да воведе санкции кон лица, компании или организации блиски до Лукашенко, бидејќи Брисел ги смета за одговорни за наводно недемократските избори и репресија над граѓаните.