Претрес во домот на судијата Ѓоко Ристов, се бараат врски со случајот со Фехми Стафа и поткупот
Полицајци и истражители попладнево го претресуваат домот на судијата од скопска Апелација Ѓоко Ристов, објави „Скопје1“, а од Обвинителство за гонење на организиран криминал и корупција ја потврдиле информацијата.
Препорачано
Претресот е во тек и ОЈО ГОКК официјално не соопштува детали, но неофицијално, причината се сомневања на обвинителите за злоупотреба на судиската функција. Судијата Ристов е поврзуваше со поранешниот државен правобранител Фехми Стафа, кој е во притвор поради сомневање дека примил мито во износ од 50.000 евра, за да поткупи судија.
Кога Стафа беше уапсен, Обвинителството наведе дека тој од октомври до 13 декември, како адвокат примил вкупно 50.000 евра за да посредува и да влијае врз судија од Апелациониот суд Скопје, во предмет што се водел против негов клиент. Стафа беше фатен со обележани пари кои ги примил како мито. Со парите од притвор, како што тврди Обвинителството, требало да се ослободи осомничениот во случајот „Синџир“, Љупчо Пецов, познат по прекарот „Ѓаволот“.
Ѓаволот се шета низ Скопје и по болници, а МВР го бара со меѓународна потерница
