Денешниот предлог за ручек сигурно одамна не сте го вкусиле… па доколку тоа е така, направете го за денес и уживајте во неговиот вкус…

СОСТОЈКИ:

– 1 парче свинска коленица (500 г)

– 1 морков

– 100 мл бело вино

– 3- 4 чешниња лук

– 200 г компири

– 1 лажица лебни трошки

– 1 лажица брашно

– магдонос, лаворов лист и ким

– црвен пипер

– сол и црн пипер

ПОДГОТОВКА:

Коленицата премачкајте ја со масло, сол и црн пипер. Ставете ја во тепсија, полејте вино и малку вода. Додајте го сечканиот морков, магдонос, лук и лаворов лист. Покријте со фолија и печете на умерена температура два и пол часа, додека почне да се двои месото од коските. Компирот исечете го на полумесечинки, зачинете го, валкајте го во лебни трошки и брашно, посипете со масло и печете го во тефлонска тава. Послужете сè заедно.