Новите детали поврзани со серијата обвинувања на сметка на Елен од нејзините некогашни вработени, ги згрозија нејзините верни обожаватели, следбеници и поддржувачи.

Познатата водителка Елен Деџенерес (62) повторно  е мета на вербални напади. Голем број нејзини обожаватели престанале да ја следат на социјалните мрежи, тврдејќи дека во последно време славната водителка постојано ги разочарува со своето вообразено однесување и немање, како што велат, ни најмалку грижа на совест поради тоа што постојано ги повредува луѓето околу себе.

Постојано се жали

Нетрпението помеѓу Елен и дел од нејзините  фанови кои тврдат дека претходно ја обожавале, се засили во време на светски прогласената пандемија, кога речиси сите беа принудени да седат во карантин. Во тој период, Елен не пропуштила можност да каже колку ѝ е здодевно и дека ѝ се ограничени правата додека уживала во својата луксузна вила. Ваквите објави ги навредиле обожавателите, кои исто така мора да седат затворени, но се разбира во далеку полоши услови од нејзините.

Елен Деџенерис се пошегува дека луксузната вила ѝ е како затвор и доби остри критики

Втората постапка за која исто така ѝ замериле е во времето кога Елен го искажуваше својот став против полициската бруталност. Во таа пригода, фановите повторно ја обвинија за лицемерие, потсетувајќи ја на пријателството со поранешниот американски претседател Буш.

Лош однос кон вработените

Сепак, и покрај ваквите недоразбирања помеѓу Елен и нејзината публика, обожавателите најмногу ѝ замерија поради нејзиниот исклучително лош однос со своите вработени.

Елен Деџенерис без најава им ги намалила платите на вработените за дури 60 проценти!

Во последните неколку месеци, нејзините колеги но и некогашни вработени, почнаа во јавност да изнесуваат серија објавувања, раскажувајќи ги своите искуства поврзани со познатата водителка.  Доколку може да им се верува на ваквите тврдења, на Елен воопшто не ѝ е грижа за моменталната здравствена или финансиска состојба во која се наоѓа вработениот пред да му врачи отказ.

– Лошите случувања со Елен се „одигруваат“ само тогаш кога камерите ќе се исклучат. Додека траат емисиите, таа сака на јавноста да ѝ се прикаже во сосема поразлично издание.  Кога емисиите се снимаат, таа е топла и срдечна личност, но подоцна Елен е навистина ужасна – кажал еден од нејзините вработени, кој сакал да остане анонимен, бидејќи се плашел да не го изгуби работното место.

Тој, исто така, истакнал дека делењето откази од нејзина страна е секојдневие.

– Постојано ги малтретира вработените и не пропушта можност да подели некој отказ, а најмногу на оние што бараат да одат на боледување – истакнал тој.

Инаку, Елен Деџенерес важи за една од побогатите водителки, кои имаат свое телевизиско шоу. Нејзиното богатство се проценува на 450 милиони долари.

Денес е „тешка“ 450 милиони долари, но како тинејџерка Елен Деџенерис поминала низ вистински пекол!