Екипата на Торенсе приреди вистинска сензација во финалето на Купот на Португалија, откако со 2-1 го совлада фаворизираниот Спортинг и испиша историски успех со пласман во Лига Европа следната сезона.

Второлигашот шокантно го отвори натпреварот и поведе уште во четвртата минута, оставајќи го лисабонскиот гигант во резултатска негатива уште на стартот.

Спортинг успеа да се врати во игра со гол на почетокот од второто полувреме, но и покрај иницијативата и бројните шанси, не најде начин да го скрши отпорот на дисциплинираниот ривал.

Кога се очекуваше фаворитот да направи целосен пресврт во продолженијата, следуваше нов шок. Во 113. минута Торенсе доби пенал, а Стопира беше сигурен од белата точка за конечни 2-1 и едно од најголемите изненадувања во поновата историја на португалскиот фудбал.

Со овој триумф, Торенсе го постигна најголемиот успех во својата историја и следната сезона ќе игра во групната фаза од второто по ранг европско клупско натпреварување.

LOCURA ESTO. El @scu_torreense, hoy en segunda división, le acaba de ganar LA FINAL de la Taca de Portugal al Sporting. Primer título en su historia.

El 2-1 en el alargue lo metió el capitán Stopira que, a sus 38 años, jugará el Mundial con Cabo Verde. pic.twitter.com/2c0yhYdh6J

— Matías Mosquera (@matiasmosquera) May 24, 2026