Португалската полиција во акција, ги „тресе“ фудбалските екипи поради затајување данок

Португалска полиција - илустрација/ фото: EPA-EFE/MIGUEL A. LOPES

Португалското обвинителство денеска објави дека покрена бројни истраги во фудбалските екипи поради затајување данок.

Денеска околу 40 даночни инспектори и 50 полицајци изведоа околу 20 истраги, а нивна мета беа клупски простории на португалски клубови, како и фирми и адвокатски канцеларии со кои екипите соработуваат.

Инспекторите се сомневаат дека клубовите и менаџерите правеле договори со кои ја прикривале вистинската сума од даночните власти.

Се проценува дека измамите, односно затајувањето на данок изнесува околу 15 милиони евра, а според португалските медиуми, под засилена истрага се наоѓаат екипите на Брага и на Виторија Гимараеш.

Во понеделникот во просториите на Порто беше извршена рација поради затајување данол, а под посебно внимание се најде исплаќањето на провизии при трансферите на фудбалерите во вредност од 20 милиони евра.

Видео на денот