Поранешниот бугарски министер за надворешни работи и долгогодишен дипломат во Обединетите нации, Николај Младенов, ќе застане на чело на таканаречениот Мировен одбор – тело предвидено во планот на американскиот претседател Доналд Трамп за воспоставување траен прекин на огнот во Појасот Газа, објави „Асосиејтед прес“.

Според најавите, Мировниот одбор ќе има задача да го следи функционирањето на новата технократска палестинска влада, вклучувајќи го разоружувањето на Хамас, распоредувањето на меѓународни безбедносни сили, натамошното повлекување на израелските трупи и процесот на реконструкција на Газа, соопшти израелскиот премиер Бенјамин Нетанјаху.

Информацијата беше објавена по средбите на Младенов со Нетанјаху и со израелскиот претседател Исак Херцог во Ерусалим. Нетанјаху на социјалните мрежи објави фотографии и видео од разговорот, претставувајќи го Младенов како именуван раководител на телото задолжено за спроведување на втората, значително посложена фаза од договорот за прекин на огнот.

Трамп му дал зелено светло на Израел да го нападне Либан?

Засега нема официјална потврда од Вашингтон. Сепак, назначувањето се смета за важен чекор во оживувањето на мировниот план на Трамп, кој заглави по завршувањето на првата фаза.

Таа фаза донесе прекин на двегодишните борби во Газа, но продолжението на процесот со месеци е во застој.

Се очекува Белата куќа подоцна овој месец да ги соопшти и останатите членови на Мировниот совет, при што Младенов ќе биде негов клучен претставник на терен.

Хамас: Израелската војска уби четири деца во Газа